ကေပေါ့တေးဂီတကို ချစ်မြတ်နိုးကြတဲ့ ပျိုမေလေးတို့အားလုံးပဲ ဟယ်လိုပါလို့ MyStyle Myanmar ကနေပြီး နှုတ်ဆက်လိုက်ပါတယ်။ ဒီတစ်ခေါက်ရဲ့ Star & Style ကဏ္ဍလေးမှာဖော်ပြပေးချင်တဲ့ အနုပညာရှင်ကတော့ လက်ရှိတောင်ကိုရီးယားမှာ ရေပန်းစားကျော်ကြားနေတဲ့ အမျိုးသမီးကေပေါ့အဖွဲ့တွေထဲကတစ်ဖွဲ့ဖြစ်တဲ့ aespa အဖွဲ့က တရုတ်မလေး NingNing ပဲဖြစ်ပါတယ်။

NingNing ရဲ့တရုတ်အမည်အရင်းကတော့ Ning Yizhuo လို့ခေါ်ပြီး English အမည်ကတော့ Vivian Ning ပါ။ aespa အဖွဲ့ရဲ့ အဓိကအဆိုရှင်လည်းဖြစ်၊ အဖွဲ့ဝင်အငယ်ဆုံးလေးလည်းဖြစ်တဲ့ NingNing ကိုတော့ အောက်တိုဘာ ၂၃၊ ၂၀၀၂ ခုနှစ်မှာ မွေးဖွားခဲ့ပြီး သူမရဲ့မွေးရပ်မြေကတော့ တရုတ်နိုင်ငံက Harbin မြို့ပဲဖြစ်ပါတယ်။

အရပ် ငါးပေသုံးလက်မ၊ ကိုယ်အလေးချိန် 43kg ၊ အိုသွေးအမျိုးအစားဖြစ်ပြီးတော့ ဟင်းချက်ရတာကိုဝါသနာပါပါတယ်။ BLACKPINK အဖွဲ့ကိုအင်မတန်သဘောကျပြီး သူမကြိုက်တဲ့အဖွဲ့ဝင်ကတော့ Jennie ပါ။

aespa အဖွဲ့စထွက်ကတည်းက NingNing ဟာ သီချင်းအဆိုကောင်း၊ အကကောင်းရုံသာမက သူမရဲ့အိုင်ဒေါလ်ဖြစ်တဲ့ Jennie လို Fashionista တစ်ဦးဆိုလည်း မမှားပါဘူး။ ဝတ်တတ်စားတတ်လှတဲ့ NingNing ရဲ့ဖက်ရှင်တွေကတော့ ဘယ်လောက်လန်းသလဲဆိုတာကို အခုပဲအတူတူကြည့်လိုက်ရအောင်ပါ။

Image Source: Pinterest